Центар за јавно здравје Битола

АКТУЕЛНО: Започнувајќи од 14.10.2011год во Центар за јавно здравје Битола започна вакцинацијата за сезински грип. Вакцината е од француско производство на фирмата Sanofi Pasteur и вакцинацијата се однесува на сите возрасни групи.

Вакцината се употребува за активна имунизација и профилакса на епидемичен грип предизвикан од соевите А и Б и особено се наглаасува кај лица со зголемен ризик за заболување од грип и можни компликации од грип и тоа:

лица со и над 65 годишна возраст;
возрасни и деца со хронични заболувања на белодробниот или кардиоваскуларниот систем, вклучувајки и деца заболени од астма;
возрасни и деца на кои им е потребен постојан медицински третман или хоспитализирање заради хронични метаболни болести (дијабетес мелитус), цистична фиброза, ренални пореметувања, имуносупресии итн.;
лица со трансплантати и болни од АИДС;
лекари, медицински сестри, персонал во болници и останати јавни служби кои доагаат во контакт со лица со зголемен ризик од грип.

Во согласност со препораките на СЗО, вакцинацијата против грип се врши во месеците октомври и ноември, заради навремено стекнување на отпорност на организмот пред појавата на сезонскиот грип.

Превентивните мерки кои се преземаат против ова заболување се вообичаени општи мерки, како и за другите вирусни респираторни инфекции: пиење топли напитоци, витамини, избегнување контакт со заболени

ВАКЦИНАТА НЕ ТРЕБА ДА ЈА ПРИМААТ!:

лица алергични на јајца и пилешки протеини;
лица со покачена температура или акутна инфекција;
бремени во првиот триместар од бременоста.

Вакцинацијата се спроведува во просториите на Центар за јавно здравје - Битола секој работен ден почнувајки од 14.10.2011 во терминот од 7.30ч. до 18.00ч како и во саботите во предпладневна смена. Вакцините се регуларно регистрирани и Министерството за здравство гарантира за нивниот квалитет.

Вакцинацијата чини 400 денари.

За повеќе информации на тел. 047 208 100 или повелете во "Центар за јавно здравје - Битола"