Центар за јавно здравје Битола

АКТУЕЛНО: Комисијата за пандемски грип препорача да се продолжи со вакцинирањето против сезонски грип со вакцина која штити и од така наречениот пандемски грип А/Х1Н1.

Вакцината се однесува на сите возрасни групи над 7 години и се врши од 8-15 часот во Центарот за Јавно Здравје Битола.

Вакцината се употребува за активна имунизација и профилакса на епидемичен грип предизвикан од соевите А и Б. и особено се наглаасува кај лица со зголемен ризик за заболување од грип и можни компликации од грип и тоа:

- лица со и над 65 годишна возраст;
- возрасни и деца со хронични заболувања на белодробниот или кардиоваскуларниот систем, вклучувајки и деца заболени од астма;
- возрасни и деца на кои им е потребен постојан медицински третман или хоспитализирање заради хронични метаболни болести (дијабетес мелитус), цистична фиброза, ренални пореметувања, имуносупресии итн.;
- лица со трансплантати и болни од АИДС;
- лекари, медицински сестри, персонал во болници и останати јавни служби кои доагаат во контакт со лица со зголемен ризик од грип.

Во согласност со препораките на СЗО, вакцинацијата против грип се врши во месеците октомври и ноември, заради навремено стекнување на отпорност на организмот пред појавата на сезонскиот грип.

Превентивните мерки кои се преземаат против ова заболување се вообичаени општи мерки, како и за другите вирусни респираторни инфекции: пиење топли напитоци, витамини, избегнување контакт со заболени

ВАКЦИНАТА НЕ ТРЕБА ДА ЈА ПРИМААТ!:

- лица алергични на јајца и пилешки протеини;
- лица со покачена температура или акутна инфекција;
- бремени во првиот триместар од бременоста.

Вакцинацијата се спроведува во просториите на Центар за јавно здравје - Битола секој работен ден почнувајки од 15.10.2010 во терминот од 7.00ч. до 17.00ч. Вакцините се регуларно регистрирани и Министерството за здравство гарантира за нивниот квалитет. Вакцинацијата чини 400 денари.

За повеќе информации на тел. 047 208 100 или повелете во "Центар за јавно здравје - Битола"